ஈமானின் சுவையறியும் மூன்று தன்மைகள்!

நபித்தோழர்கள் யாசிர் (ரலி) அவர்களும் அவர்கள் துணைவியர் சுமைய்யா (ரலி) அவர்களும் இஸ்லாத்தை ஏற்றதற்காக இஸ்லாத்தின் எதிரிகளால் கடுமையாக துன்புறுத்தப் பட்டார்கள், இறுதி வரை இறை மறுப்பை ஏற்பதில்லை என்பதில் உறுதியாக இருந்த அவர்கள் (எதிரிகளால் கொல்லப்பட்டு) வீரமரணம் அடைந்தார்கள்.

பிலால் (ரலி) கப்பாப் (ரலி) போன்றோர்கள் (இறைவன் ஒருவன் என்ற இஸ்லாமிய கொள்கையை கூறியதற்காக) அடியையும் அவமானத்தையும் ஏற்றார்கள், நாவால் மட்டும் தான் என்றாலும் கூட இறைமறுப்பை ஏற்பதைவிட இவ்வாறு துன்பங்களை (மறுமை வெற்றிக்காக) தாங்கிக் கொள்வதே சிறந்தது என்று அவர்கள் கருதினார்கள்.

அதே போல் “உங்கள் உயிரை மாய்த்துக் கொள்ள வேண்டாம்” என்ற 4:29 குர்ஆன் வசனத்தை சுட்டிக் காட்டித் துன்பங்களை ஏற்பதை விட (உள்ளத்தில் இறை நம்பிக்கை இருக்கும் நிலையில் நாவினால் மட்டும்) இறை மறுப்பை வெளியிடுவது தவறாகாது என்று கூறுகிறார்கள் (பத்ஹுல் பாரி)

ஈமான் என்றால் இறை நம்பிக்கை என்று பொருள் இதன் சுவையை முறையாக உணர அல்லாஹ்வின் தூதர் இந்த மூன்று மிக முக்கிய பண்புகள் ஒரு சேர இருப்பது அவசியம் என்று குறிப்பிடுகிறார்கள்.

இறைவன் மீதும் இறை தூதர் மீதும் கொள்ளும் நேசம் என்பது நாம் சாதாரணமாக இவ்வுலகில் ஒருவர், மற்றவர் மீது கொள்ளக்கூடிய நேசத்தைப் போன்றதாக இல்லாமல் ஒரு தற்காலிகமான நேசமாகவோ போலியான நேசமாகவோ அல்லது மனைவி மக்கள் தாய் தந்தை நண்பர்கள் என்று பலர் மீது நமக்கு உள்ள நேசமாக இல்லாமல் இதற்கு நிகராக வேறு ஏதும் இவ்வுலகில் இல்லை எனும் அளவில் இந்த நேசம் இருத்தல் வேண்டும்.

ஒரு பொருளை அல்லது ஒரு நபரை பிற எல்லாவற்றையும் விட அதிகமாக ஒருவர் நேசிக்கும் போது எந்நேரமும் அதே சிந்தனையில் இருப்பார்; எதைச் செய்தாலும் அதைச் செய்யும் போதும் அந்த சிந்தனை மாறாது; தன்னுடைய திருப்திக்கும் மேலாக தாம் இவ்வாறு நேசிக்கக் கூடியவரின் விருப்பத்திற்கு முன்னுரிமையளிக்கப்பட்டு எதையும் செய்யக்கூடிய மனோநிலையில் அவர் இருப்பதைப் பரவலாக பார்க்கலாம்.

உதாரணமாக தான் நேசிக்க்கூடிய ஒரு நபர் அல்லது ஒரு  கட்சியையே எடுத்துக் கொள்வோம் அவருக்கோ அந்த ஒரு கட்சிக்கோ எதையும் செய்ய துணியக்கூடியவர்களை நம்மால் சாதாரணமாக அன்றாடம் பார்க்க முடிகிறது. அதற்காக செலவிடப்படக்கூடிய பணமோ பொருளோ நேரமோ எதைப்பற்றியும் கவலைப்படாமல் முழுமூச்சாக தன் நேசத்திற்குரியதற்காக தன்னை அர்ப்பணிக்க்க்கூடிய பண்பு வந்து விடுகிறது. அது ஒரு நாடாகவோ ஒரு மதமாகவோ ஒரு தலைவராகவோ அல்லது ஒரு கொள்கையாகவோ எனும் போது அதன் தீவிரத்தை சொல்லத்தேவையில்லை. இந்த நேசத்தின் காரணமாக கொலை அல்லது தற்கொலை செய்யும் அளவிற்குக் கூட விபரீதமாக மடத்தனமாக செயல்படக்கூடியவர்களையும் காணலாம்.

இதனைக் கருத்தில் கொண்டு,

அல்லாஹ்வின் தூதர் (ஸல்) அவர்கள் கூறினார்கள். “எவரிடம் மூன்று தன்மைகள் இருக்கின்றனவோ அவர் இறை நம்பிக்கையின் (ஈமானின்) சுவையை அடைவார். (அவை)

எனும் இந்நபிமொழியை ஆராயும் போது அதாவது நமக்கு இறுதித் தீர்ப்பளிப்பவர், மன்னிப்பவர் அல்லது தண்டிக்க வல்லவர், கண்காணிப்பவர், மறுமையின் வாழ்க்கையின் அதிபதி ஏக இறைவனாகிய அல்லாஹ்வை தவிர வேறு யாருமில்லை எனும் போது அதே போல் நபி (ஸல்) அவர்கள் வழியை தவிர ஈடேற்றமில்லை எனும் போது நாம் இறைவனையும் அவனால் ஏவப்பட்டவைகளையும் இறைத்தூதரையும் அவர்களால் காட்டப்பட்ட வழிமுறைகளையும் நமது குடும்பம் மனைவி மக்கள் பெற்றோர் உற்றார் உறவினர் தோழர் ஆகிய அனைவரை விடவும் அதிகம் நேசிப்பது அவசியமாகின்றது. அப்போது தான் நாம் இறைவனுக்காக எதையும் செய்ய எப்போதும் தயார் நிலையில் இருப்போம், இவ்வாறு இறை சிந்தனை எப்போதும் இருக்குமேயானால் தீய சிந்தனைகள் தீய வழிமுறைகள் நமது வாழ்க்கையில் அறவே வர வாய்ப்பிலாமல் போகும்.

இறைவனுக்காகவும் இறைதூதர் காட்டிய வழியில் எதையும் செயல் படுத்தும் மனப்பான்மை வரும் போது நமது உயிரையும் பொருட்படுத்தாமல் இறைநேசத்தில் இறைக்கட்டளைகளை இப்புவியில் இறைத்தூதர் காட்டிய படி சற்றும் கூடுதல் குறைவின்றி முழுமையாக முறையாகத் தன்னுள்ளும் இந்தப் புவியிலும் நிலை நாட்ட வேண்டும் எனும் சிந்தனையின் ஆக்கபூர்வ வெளிப்பாடுகளை காணலாம்.