சத்தியமார்க்கம்.காம் எந்த அமைப்பைச் சார்ந்தது?

சத்திய வழியை நிலை நாட்டுவதை நோக்கமாகக் கொண்டு செயல்படும் இந்த சத்தியமார்க்கம்.காம் தளத்தின் உயரிய சிந்தனை எக்காலகட்டத்திலும் பிறழ்ந்து போகாமல் இருக்கவும், எடுத்துக் கொண்ட நோக்கத்தினை பூர்த்தி செய்து ஈருலக வெற்றியினை ஈட்டவும் சகோதரர்கள் இறைவனிடம் பிரார்த்திக்கக் கோருகிறோம்.

மேலும் சத்தியமார்க்கம்.காம் தளத்திற்கு சகோதரர்கள் அனைவரின் ஒத்துழைப்பினையும் எதிர்பார்க்கிறோம்.

இன்று தமிழக முஸ்லிம் சமூகத்தில் குடிகொண்டு விட்ட “இவன் எந்த அமைப்பைச் சார்ந்தவனாக இருப்பானோ? என்கிற இந்த கேடு கெட்ட சிந்தனை, சமூகத்திலிருந்து துடைத்தெறியப்படுவதில் தான் இச்சமூகத்தின் எதிர்காலம் அடங்கியுள்ளது.

நடுநிலைச் சமுதாயமாக எல்லாம் வல்ல அல்லாஹ்வினால் திருக்குர்ஆனில் அடையாளப் படுத்தப்படும் அந்த சமூகம் நிச்சயமாக இது போன்ற சிந்தனை கொண்ட சமுதாயமாக இருக்க வாய்ப்பில்லை.

இந்த சிந்தனையில் சில தன்னார்வ சகோதரர்களால் உருவாக்கப்பட்டதுதான் சத்தியமார்க்கம்.காம். இறைவன் சிறப்பித்துக் கூறும் அந்த நடுநிலை சமுதாயமாக இருக்க எல்லாம் வல்ல அல்லாஹ் துணை புரிவானாக. ஆமீன்.