| கொல்லுமோ கொலெஸ்ட்ரோல்? |
 |
 |
| பொதுவானவை - பொதுவானவை | ||||||||||||||||||||||||||||||||||||||||||||||||||||
| புதன், 04 ஜூன் 2008 11:17 | ||||||||||||||||||||||||||||||||||||||||||||||||||||
|
கொலெஸ்ட்ரோல் என்பது என்ன?
கொலெஸ்ட்ரோல் (Cholestrol) என்பது வெண்மை நிறத்திலான மெழுகு போன்ற, கொழுப்பு வகையைச் சேர்ந்த ஒரு பொருளாகும். இது உடலின் வளர்சிதை மாற்றத்தில் மிகவும் அவசியமான ஒன்றாகும். இன்னும் பல்வேறு முக்கியமான ஹார்மோன்கள் (காட்டாக எஸ்ட்ரோஜென்), பித்த நீர், வைட்டமின் D போன்ற உடலின் பல்வேறு முக்கியச் செயல்பாடுகளில் பங்கு வகிக்கும் புரதச் சத்துகள் மற்றும் திரவங்களின் தயாரிப்பிற்கு மிகவும் உதவிகரமானதாகும்.
கொலெஸ்ட்ரோலை உடல் எங்கிருந்து பெறுகிறது?
கொலெஸ்ட்ரோலை நமது உடல் பொதுவாக இரண்டு விதங்களில் பெறுகிறது.
முதலாவதாக, நமது உடல் கொலெஸ்ட்ரோலைத் தன்னிலிருந்தே உற்பத்தி செய்து கொள்கிறது. நமது உடலுறுப்புகளுள் ஒன்றான கல்லீரல் நாளொன்றுக்குச் சுமார் 1000 மில்லிகிராம்கள் வரை கொலெஸ்ட்ரோலை உற்பத்தி செய்கிறது.
இரண்டாவதாக நாம் உட்கொள்ளும் உணவு வகைகளான முட்டைக் கரு, மாமிசம், கோழியிறைச்சி, பால் மற்றும் பால் தயாரிப்புகளிருந்து கொலெஸ்ட்ரோல் உற்பத்தியாகிறது.
பழங்கள் காய்கறிகள், தானியங்கள் பருப்புகள் மற்றும் விதைகள் போன்ற தாவர உணவுகளில் கொலெஸ்ட்ரோல் இல்லை.
உடலில் உள்ள பல்வேறு விதமான கொழுப்புச் சத்துகள்:
நமது உடலில் ஓடும் இரத்தத்தில் 'கொலெஸ்ட்ரால்' மற்றும் 'டிரைகிளிஸெரைட்ஸ்' (Triglycerides) ஆகிய இரண்டு விதமான கொழுப்புகள் உள்ளன. டிரைகிளிஸெரைட்ஸ் என்பது கல்லீரலால் தயாரிக்கப்படும் ஒருவிதக் கொழுப்பே! இது நம்முடைய அன்றாடச் செயல்பாட்டிற்குத் தேவையான சக்தியை உடலுக்கு வழங்குகின்றது. கொலெஸ்ட்ரோலைப் போலவே இரத்தத்தில் டிரைகிளிசெரைடுகள் அதிக அளவில் இருந்தாலும் இருதய நோய்களின் அபாயத்தை அதிகப் படுத்திவிடும்.
கொலெஸ்ட்ரோல் புரதங்களுடன் இணைந்து ஒரு லிபொப்ரொடீன் ஆகி, அதன் மூலம் உடல் முழுவதும் பயணிக்கிறது. லிபோபுரோட்டீன்கள் என்பவை இரண்டு வகைகளாகும். அவை:
1. குறைந்த அடர்த்தியுள்ள (Low density) லிபோப்ரோட்டின் (LDL) 2. அதிக அடர்த்தியுள்ள (High density) லிபோபுரோட்டின் (HDL)
அடர்த்திக் குறைவான லிபோபுரோட்டீன் (LDL):
இது 'தீய கொலெஸ்ட்ரோல்' என்று குறிப்பிடப்படுகிறது. ஏனெனில், இந்த (LDL) அதிக அளவில் இரத்த ஓட்டத்தில் கலந்து செல்லும்போது, இருதயத்திற்கும் மூளைக்கும் செலுத்தப்படும் இரத்தக் குழாய்களின் சுவரில் கொஞ்சம் கொஞ்சமாக ஒட்டிக் கொண்டு கொழுப்புக் கோடுகளை உற்பத்தி செய்து விடுகிறது. இந்தக் கொழுப்பு கோடுகள் நாளடைவில் அதிகமதிகம் சேர்ந்து உயரத்திலும் அகலத்திலும் பெருத்த நாறுகளாலான தடுப்புப் பலகைகளைப்போல் மாறிவிடுகின்றன. காலப் போக்கில் இவற்றின் அளவு மேலும் அதிகரிப்பதன் மூலம் இருதயத்தின் பகுதிகளுக்குச் செலுத்தப்படும் இரத்த ஓட்ட வேகத்தைத் தடுத்துவிடுவதனால் மாரடைப்பு (Heart attack) ஏற்படலாம். மூளைக்குச் செலுத்தப்படும் இரத்த ஓட்டத்தில் தடை ஏற்பட்டால் பக்கவாத நோயால் தாக்குதலுக்குள்ளாகலாம்.
அடர்த்திமிகு லிபோபுரோட்டீன் (HDL):
இது 'நல்ல கொலெஸ்ட்ரோல்' என்று குறிப்பிடப்படுகிறது. ஏனெனில் இது இரத்தத்திலிருந்து அதிக அளவிலான கொலெஸ்ட்ரோலை தமனியிலிருந்து அகற்றியபின் கல்லீரலுக்குக் கொண்டு செல்கிறது. இரத்தத்திலிருந்து அதிக அளவிலான கொலெஸ்டொரோலை இவ்வாறு அகற்றுவதவன் மூலம் மாரடைப்பு, பக்கவாதம் போன்ற நோய்களின் தாக்குதலிலிருந்து இது நம்மைப் பாதுகாக்கிறது.
அதிக அளவான கொலெஸ்ட்ரோல் எவ்வாறு இருதய நோய்களுக்கு காரணமாகிறது?
நமது உடல் தனக்குத் தேவையான அளவில் கொலெஸ்ட்ரோலைக் கல்லீரலின் இயக்கம் மூலம் தயாரித்துக் கொள்கிறது. ஆனால் ஒரு சில ஆண்டுகளுக்குப் பின்னர், நாம் மாமிச உணவுகள் உட்கொள்வதன் மூலம் தேவைக்கு அதிகமான அளவில் கொலெஸ்ட்ரோல் உருவாகி, அது இரத்த, தமனிக் குழாய்களின் சுவரில் ஒட்டிக் கொள்ளும் தடுப்புப் பலகைகளைப் போல் தங்கிவிடுகிறது. மேலும் இவை சிறிது சிறிதாகச் சேர்ந்து அளவை அதிகப்படுத்தும் வகையில் வளர்வதன் காரணமாக இருதயத்திற்கு இரத்தத்தைக் கொண்டு செல்லும் தமனிக் குழாய்களின் உள் சுற்றளவைக் குறுக்கி விடுகின்றது. இதன் விளைவாகத் தனக்குத் தேவைப் படும் அளவை விடக் குறைவான இரத்தத்தை நமது இருதயம் பெறுகிறது. இரத்தம் நம் உடலில் பயணிக்கும்போது தன்னுடன் இருதயத்திற்குத் தேவையான 'ஆக்ஸிஜன்' (Oxygen) எனும் உயிர்வளியையும் கொண்டு செல்கிறது. நல்ல அளவிலான ஆக்ஸிஜன் கொண்ட இரத்தம் இருதயத்திற்குச் செல்ல இயலவில்லையெனில், 'ஆன்கினா' Angina எனும் நெஞ்சு வலி ஏற்படலாம். தொடர்ந்து இருதயத்தின் பகுதிகளுக்கு இரத்தம் செலுத்தப்படுவது துண்டிக்கப்பட்டால் அதன் விளைவாகவே heart attack எனும் மாரடைப்பு ஏற்படுகிறது. சில நேரங்களில் இந்தக் கொழுப்புச் சில்லுகள் இடம் பெயர்ந்து கட்டிகளாக இரத்தக் குழாய் தமனிகளில் இரத்த ஓட்டத்தில் தடையை ஏற்படுத்திவிடுவதும் உண்டு. அதன் விளைவாக நெஞ்சுவலி அல்லது மாரடைப்பு ஏற்படுகிறது. அளவைவிட அதிகமான கொலெஸ்ட்ரோலின் விளைவாக சீறுநீரகச் செயலிழப்பு (Kidney failure) உட்பட டெமென்ஷியா போன்ற நோய்கள் ஏற்படும் அபாயம் அதிகரிக்கிறது.
கொலெஸ்ட்ரோல் அளவை இரத்தத்தில் அதிகப்படுத்துபவை யாவை?
பல்வேறு காரணிகள் இரத்தத்தில் கொலெஸ்ட்ரோல் அளவை அதிகப்படுத்துகின்றன :
- அதிக அளவிலான கொழுப்புகள் கலந்த உணவுப் பழக்கம் - அதீத உடற்பருமன் (Obesity) - உடல் இயக்கக் குறைவான பணிகள் - புகைப் பழக்கம் - மன அழுத்தங்கள் - மதுப் பழக்கம் - சக்கரைநோய், சிறுநீரகம் மற்றும் தைராய்டு சுரப்பி நோய்கள் - கருத்தடை மாத்திரைகள் உட்கொள்தல் - வயோதிகம் - பாலியல் காரணங்கள் (பெண்கள் குழந்தை பெறும் பருவத்தில் குறைந்த கொலெஸ்ட்ரோல் அளவினைப் பெற்றிருப்பர்). - தலைமுறை
இரத்தத்தில் அதிக அளவில் கொலெஸ்ட்ரோல் இருப்பதன் அறிகுறிகள் என்ன?
பொதுவாக இரத்தத்தில் அதிக அளவில் கொலெஸ்ட்ரோல் இருப்பதற்கான எந்த ஓர் அறிகுறியையும் அது ஏற்படுத்துவதில்லை; ஆகையால்தான் அது "அமைதியான உயிர்க்கொல்லி" என்று அறியப்படுகிறது.
இரத்தத்தில் உள்ள கொலெஸ்ட்ரோலை எவ்வாறு கணக்கிடுவது?
இளைஞர்களும் வயதானவர்களும் தங்கள் இரத்தத்தில் உள்ள கொலெஸ்ட்ரோல் அளவைப் பரிசோதித்துக் கொள்ள வேண்டும். இரத்தத்தில் உள்ள கொலெஸ்ட்ரோல் அளவு என்பது, 12 மணி நேரம் ஏதும் உட்கொள்ளாத நிலையில் காலையில் எடுக்கப்பட்ட மாதிரி (sample) இரத்தத்திலிருந்து கணக்கிடப்படுகிறது.
அதிலும் 'லிபோபுரோட்டீன் ப்ரொஃபைல்' (lipoprotein profile) எனும் இரத்தப் பரிசோதனை செய்வது மிகவும் சிறந்தது.
இப்பரிசோதனை மூலம் :
ஆகியவற்றின் விபரங்களை அறியலாம்.
நல்ல ஆரோக்கியமான நிலையான கொலெஸ்ட்ரோல் மற்றும் ட்ரிக்ளைஸெரைட்ஸ் அளவுகள் எவை?
1) மொத்த கொலெஸ்ட்ரோலின் இயல்பான அளவு: 200 mg/dl க்கும் குறைவாக (5.2 mmol/L க்கும் குறைவாக) 2) LDL (தீய)கொலெஸ்ட்ரோலின் இயல்பான அளவு: 130 mg/dl க்கும் குறைவாக (3.37 mmol/L க்கும் குறைவாக) 3) HDL (நல்ல) கொலெஸ்ட்ரோலின் இயல்பான அளவு: ஆண்கள் : 40-50 mg/dl க்கும் குறைவாக (1.0-1.28 mmol/L க்கும் குறைவாக) பெண்கள் : 50-60 mg/dl க்கும் குறைவாக (1.28-1.54 mmol/L க்கும் குறைவாக) 4) டிரிக்ளைஸெரைட்ஸின் இயல்பான அளவு : 150 mg/dl க்கும் குறைவாக (1.69 mmol/L க்கும் குறைவாக)
முக்கியமாக இரண்டு விதமான அளவுகோல்கள் மூலம் கொலெஸ்ட்ரோல் அளவு கணக்கிடப்படுகின்றது என்பதை இங்கு கவனத்தில் கொள்ள வேண்டும். முதல் விதம், எடையின் அடிப்படையில். அதாவது ஒரு டெசி லிட்டரில் உள்ள மில்லி கிராம் (mg/dl) எண்ணிக்கையளவு முறை. இன்னொன்று, மூலக்கூறு எண்ணிக்கையளவு (molecular count) அதாவது ஒரு லிட்டரில் உள்ள மில்லிமோல்கள் (mmol/L) முறை. உங்களது கொலெஸ்ட்ரோல் பரிசோதனை முடிவை நீங்கள் புரிந்து கொள்வதற்கும் குறிப்பிட்டுச் சொல்வதற்கும் இந்த இரு விதங்களில் எவ்விதத்தில் உங்கள் கொலெஸ்ட்ரோல் அளவு கணக்கிடப்பட்டது என்பதைத் தெரிந்து வைத்திருக்க வேண்டும்.
நாம் உட்கொள்ளும் உணவில் உள்ள கொழுப்புச் சத்து வகைகள் (Fats) யாவை?
திடக் கொழுப்புகள் (saturated):
முக்கியமாக, மாமிச உணவு வகையில் இருந்து திடக் கொழுப்பு வகைகள் கிடைக்கின்றன. தேங்காய் எண்ணெயிலும் பாமாயிலி(Palm oil)லும் அதிக அளவிலான திடக் கொழுப்புகள் உள்ளன. இந்த வகை திடக் கொழுப்புகள்தாம் 'தீய' (LDL) கொலெஸ்ட்ரொலை இரத்தத்தில் அதிகப் படுத்தி, தமனிக் குழாய்களின் உட்சுற்றளவைக் குறுக செய்கிறது; அடைப்புகளையும் ஏற்படுத்துகிறது.
திடக் கொழுப்புகளை உள்ளடக்கிய உணவு வகைகள் : பால், வெண்ணெய், இறைச்சி, பாமாயில், தேங்காய் எண்ணெய், தாவர நெய்.
திரவக் கொழுப்புகள் (1) (polyunsaturated):
எண்ணெய், விதை மற்றும் தானிய உணவுப் பொருட்களிலிருந்து திரவக் கொழுப்புகள் உருவாகின்றன. திரவக் கொழுப்புகள் LDL எனும் தீய கொலெஸ்ட்ரோலை இரத்தத்திலிருந்து குறைத்து, இருதயத்திற்கு நலம் விளைவிக்கக் கூடியவை. ஆயினும், திரவக் கொழுப்புகள் நம் இரத்தத்தில் கூடிவிட்டாலும் அவை HDL எனும் நல்ல கொலெஸ்ட்ரோலைக் குறைத்து விடக்கூடும். ஆகையால் கீழ்க்காணும் திரவக் கொழுப்பு வகைகளை அதிகமாகவுமில்லாமல் குறைவாகவுமில்லாமல் நடுநிலை அளவிலேயே உட்கொள்ள வேண்டும்.
திரவக் கொழுப்புகளை உள்ளடக்கிய எண்ணெய் உணவு வகைகள் : சோள எண்ணெய் (Corn oil), சூரியகாந்திப்பூ எண்ணெய் (Sunflower oil), ஸாஃப்பூ (Safflower) எண்ணெய், ஸோயாபீன் எண்ணெய் (Soya been oil).
திரவக் கொழுப்புகள் (2) MonoUnsaturated:
மோனோஅன்ஸேடுரேடெட் எனும் திரவக் கொழுப்புகள் தானிய வகைகளில் அதிகம் கிடைக்கின்றன. பொலிஅன்ஸேடுரேடெட் கொழுப்பு வகைகள் பேன்றே மொனோஅன்ஸேடுரேடெட் கொழுப்புகளும் இருதயத்திற்கு நலம் விளைவிக்கக் கூடியவையாகும். ஏனெனில் அவை நம் இரத்தத்திலுள்ள LDL எனும் தீய கொலெஸ்ட்ரோலை குறைத்து HDL எனும் நல்ல கொலெஸ்ட்ரோலை அதிகரிக்கச் செய்கின்றன. ஆயினும் இவற்றையும் ஒரு குறிப்பிட்ட அளவில்தான் உட்கொள்ளவேண்டும்.
திரவக் கொழுப்புகளை உள்ளடக்கிய எண்ணெய்/தானிய உணவு வகைகள் : ஓலிவம் எனும் ஜைத்தூன் எண்ணெய், கனோலா canola எண்ணெய், பாதாம், முந்திரி, வேர்கடலை, பிஸ்தா பருப்பு போன்றவை.
அமிலக் கொழுப்பு:
ஒமேகா-3 (Omega 3 acids) எனும் கொழுப்பு அமிலங்கள் இன்னொரு வகை பொலிஅன்ஸேடுரேடெட் கொழுப்புவகை ஆகும். இவை முக்கியமாக மீன் எண்ணெயில் கிடைக்கின்றன. இவையும் இருதய நோய்கள் உருவாவதைக் குறைப்பவையாகும்.
அமிலக் கொழுப்பு மீன் வகைகள் : TUNA (ஐலா/கும்பலா) KING FISH (வஞ்சிரம்/ஐகுரா), SALMON கெண்டை, SARDINES சூடை/மத்தி போன்ற மீன்கள்.
நீரகக் கொழுப்பு (Hydrogenated):
பொலிஅன்ஸெடுரேடெட் அல்லது மொனொ அன்ஸேடுரேடெட் கொழுப்புகளுடன் கலந்து நீரகக் கொழுப்பு தயாரிக்கப்படுகிறது. இதன் மூலம் நீரகக் கொழுப்பு, திடநிலைக்கு மாற்றம் பெறுகிறது. இந்த முறை மூலம் அன்ஸேடுரேடெட் கொழுப்புகளை ஸேடுரேடெட் கொழுப்புகளாக அது மாற்றுகிறது. அவசர (fast food) உணவுகளில் நீரகக் கொழுப்பு உபயோகிக்கப் படுகின்றது.
சமையல் எண்ணெய்களுள் எது உடல் நலத்திற்கு சிறந்தது?
கனோலா எண்ணெயில் அதிக அளவில் மொனொஸெடுரேடெட் கொழுப்பு உள்ளது.
சோள எண்ணெய், சூரியகாந்திப்பூ (Sun flower) எண்ணெய், ஸஃப்போலாப்பூ (Saffola) எண்ணெய் மற்றும் ஸோயாபீன் (Soya bean) எண்ணெய்களில் அதிக அளவில் பொலி அன்ஸெடுரேடெட் கொழுப்பு உள்ளது.
'கொலெஸ்ட்ரோல்' அளவைக் கட்டுப்படுத்த என்ன செய்ய வேண்டும்?
கீழ்கண்டவற்றை முறையாகக் கடைபிடிப்பது, நமது இரத்தத்தில் உள்ள கொலெஸ்ட்ரோல் அளவைக் கட்டுபாட்டில் வைக்கைவும் இருதய நோய்கள் ஏற்படும் வாய்ப்புக் குறைக்கவும் உதவியாக இருக்கும்.
சரியான உணவைத் தேர்ந்தெடுத்தல்:
கொழுப்பு நீக்கிய பால் (skimmed milk) அல்லது குறைந்த கொழுப்புள்ள பால் (low fat milk), வெண்ணெய் மற்றும் தயிரை உபயோகிக்க வேண்டும்.
டோனட்ஸ் (Dough nuts), மஃப்பின்ஸ்(muffins) போன்ற pastry பாஸ்ட்ரி வகை துரித உணவு(fast food)களைத் தவிர்க்க வேண்டும். பழவகைகள், காய்கறிகள், பருப்புகள், தானியங்கள், ரொட்டி, அரிசி மற்றும் பாஸ்டா உணவுகள் உண்ண வேண்டும். வெண்ணையைத் தவிர்த்து, திரவநிலையிலான மார்கரின் பயன்படுத்தலாம்.
முட்டையின் மஞ்சட்கருப் பகுதியை உண்பதைத் தவிர்க்க வேண்டும். உணவுப் பொருட்களில் உள்ளக் கொழுப்பின் அளவை, அவற்றின் குறிப்பேட்டைப் படித்துத் தெரிந்து கொள்ளவது கூடுதலாக உள்ளக் கொழுப்புணவைத் தவிர்க்க உதவும்.
இனிப்புணவுகளைக் குறைத்துக் கொள்ள வேண்டும்.
தவறாத உடற் பயிற்சி:
ஒவ்வொருவரும் போதிய உடல் அசைவு ஏற்படும் வகையிலான பயிற்சிகளில் ஈடுபடுவது நல்லது. அதனால் நல்ல கொலெஸ்ட்ரோல் (HDL) அதிகரிக்கும்; தீய கொலெஸ்ட்ரோல் (LDL) குறையும்; அளவுக்கு அதிகமான உடலின் எடையைக் குறைக்கவும் உதவும்.
உடற் பயிற்சியை மெதுவாகத் துவக்கி, பின்னர் கொஞ்சம் கொஞ்சமாக அதிகரிக்க வேண்டும். தினமும் தொடர்ந்து உடற் பயிற்சி செய்வதைக் குறிக்கோளாகவே கொள்ள வேண்டும்.
தினமும் முப்பது நிமிடங்களாவது உடலசைவுடைய பயிற்சிகளைச் செயல்படுத்த திட்டமிட்டுக் கொள்ள வேண்டும். அவை நடுத்தரமான பயிற்சிகளாக இருத்தல் வேண்டும். அந்தப் பயிற்சிகள், நாம் சாதாரணமாக சுவாசிப்பதைவிட சற்று வேகமாக நம்மை சுவாசிக்கச் செய்ய வேண்டும். உதாரணமாக வேகமாக நடக்கும்போது மூச்சு ஏறுவதைப்போல். அதே நேரம் மிகவும் அதிகமாக மூச்சுத் திணரும் வகையிலும் இருக்கக் கூடாது. நம்மால் பேச இயலும் விதத்தில் இருக்க வேண்டும்.
பயிற்சிகள் ஒரே நேரத்தில் தொடர்ந்து 30 நிமிடங்களுக்கு இருக்க வேண்டியது அவசியமில்லை. ஒரு நாளில் ஒன்றுக்கு மேல் பல முறைகள் - அதாவது இரண்டு மூன்று முறைகள் செய்யலாம். ஒவ்வொரு முறைக்குப் பத்து-பத்து நிமிடங்கள் வீதம் என்றும் செய்யலாம். ஆனால் குறைந்த பட்சம் ஒரு முறைக்குப் 10 நிமிடங்களாவது பயிற்சி செய்ய முயல வேண்டும்.
நமக்கு விருப்பமான பயிற்சிகளைத் தேர்ந்தெடுக்க வேண்டும். அதைச் செய்யும்போது சலிப்பு ஏற்படாத விதத்தில் இருக்க வேண்டும். கொலஸ்ட்ரோலைக் குறைப்பதற்கான சிறந்த பயிற்சிச் செயல்கள் நம் கால்(களின் நரம்பு)களை உபயோகிக்கக் கூடியதே. கால் நரம்புகள் வேகமாகச் செயல்படும்போது, நமக்கு அதிகமான அளவில் ஆக்ஸிஜென்(Oxygen) தேவை ஏற்படுகிறது, ஆகையால் இருதயம் வேகமாக இயங்கி இதை நிறைவு செய்கிறது. அவ்வாறு செயல்படுவதால் இருதயம் உறுதியாகி, மிகவும் சீரான முறையில் இயங்க வழி பிறக்கிறது. உதாரணம் சைக்கிள் ஓட்டுதல், நடைப் பயிற்சி செய்தல் போன்றவை.
எந்த உடற்பயிற்சியையும் தொடங்கும் முன் மருத்துவரைச் சந்தித்து ஆலோசனை பெறுவது நல்லது.
புகைப் பழக்கத்தைக் கைவிடுதல்:
புகைப் பழக்கம் இருதய நோய்கள் மற்றும் இதர கேடுகளின் அபாயத்தை இரட்டிக்கச் செய்கிறது. இது நல்ல கொலெஸ்ட்ரொலை (HDL) குறைக்கிறது. தீய கொலெஸ்ட்ரொலை (LDL) அதிகரிக்கிறது. புகைபிடித்தல் நுரையீரல் புற்று நோய் (lung cancer) ஏற்படும் அபாயத்தையும் அதிகரிக்கிறது. இவற்றையெல்லாம் தவிர்க்க ஒரே ஒரு வழிதான் உள்ளது. அதுதான் புகைப் பழக்கத்தை முழுமையாகக் கைவிடுதல்.
தாம் புகைக்காவிடினும் புகைப்பவர்கள் புகைக்கும் புகையை சுவாசிக்கும் மறைமுகப் புகைபிடித்தல் (Passive smoking) என்பதும் உடலுக்கு ஆபத்து விளைவிக்கக் கூடியதே. குறிப்பாக, பெரியவர்கள் புகைபிடிக்கும் பழக்கத்தினால் குழந்தைகள் இந்தப் பாதிப்புக்கு ஆளாகி, பல்வேறு நோய்களால் தாக்கப்படுகின்றனர். இருமல், நிமோனியா மற்றும் ஆஸ்துமா போன்ற நோய்கள் ஏற்படும் சாத்தியங்களுடன் வாலிபப் பருவத்தைத் தாண்டியவுடன் இருதய நோய்களின் தாக்குதல் அபாயமும் உள்ளது.
புகைக்கும் பழக்கமுடைய பெண்கள், அல்லது மறைமுகப் புகைபிடித்தல் சூழலுக்கு ஆளாகும் பெண்கள் கருச்சிதைவு, குறைப்பிரசவம், குறைந்த எடைக் குழந்தைகள் பெறும் அபாயம் போன்றவற்றுக்கு உள்ளாகிறார்கள்.
புகைப் பழக்கம் உள்ளவர்கள், தங்கள் உடல்நல ஆலோசகரை(குடும்ப மருத்துவரை)ச் சந்தித்து, புகைத்தலை நிறுத்திடும் ஆலோசனைத் திட்டத்தைப் பெற்றுப் பயனடைந்து கொள்ளவது சாலச் சிறந்தது.
புகைப் பழக்கம் உள்ளவர்கள், அதைக் கைவிடுவது என்பது ஒன்றுதான் அவர்களது உடல் நலத்தைப் பாதுகாக்கும் வழியில் அவர்கள் எடுக்கும் முக்கியத் தீர்வாகும்.
மன அழுத்தத்தைக் (stress) கட்டுப்படுத்துதல்:
மன அழுத்தம் என்பது காலப்போக்கில் கொலெஸ்ட்ரோல் அளவினைக் கூட்டுவதாகக் கண்டு பிடிக்கப் பட்டுள்ளது. மன அழுத்தம் என்பது நம் அன்றாட வாழ்க்கையில் தாக்கத்தையும் பாதிப்பையும் ஏற்படுத்தி விடுகிறது. உதாரணமாக, சிலர் மன அழுத்தத்தில் இருக்கும்போது தங்கள் மனதை நிலைப்படுத்திட கொழுப்புகள் கலந்துள்ள நொறுக்குத்தீனி கொறிக்கும் பழக்கத்திற்கு ஆளாகி விடுகின்றனர். அவற்றில் உள்ள அதிக அளவிலான திடமான (saturated fats) கொழுப்புகள் கொலெஸ்ட்ரோல் அளவை அதிகரிக்கச் செய்துவிடுகிறது.
மருத்துவம்
கொலெஸ்ட்ரோலைப் போதிய அளவு குறைத்திட மேற்கண்ட வழிகள் கொடுக்கப் பட்டுள்ளன. இங்குக் கூறப்பட்ட உணவுப் பழக்க வழக்கங்கள் மற்றும் வழிகாட்டும் விஷயங்களை முறையாகக் கடைப்பிடித்து வந்தால் கொலெஸ்ட்ரோல் அளவைக் கட்டுப்பாட்டில் வைக்க எளிதாக இருக்கும்.
இவற்றுள் எதுவும் பயனளிக்காத நிலையில் உள்ளவர்கள், தகுந்த மருத்துவரை அணுக வேண்டும். அவருடைய ஆலோசனையில் மாற்றமின்றி அவர் தருகின்ற மருந்துகளை அதே அளவில் உட்கொள்ள வேண்டும். இதில் கவனமாக இருக்க வேண்டும்.
உணவு வகையில் உள்ள கொலெஸ்ட்ரோல் அளவு அட்டவணை
தேவையான அளவில் உள்ள கொலஸ்ட்ரால் எவ்வளவுக்கெவ்வளவு உடலுக்கு இன்றியமையாததாக உள்ளதோ அதேபோல அளவிற்கு மீறினால் உடல் நலத்திற்குக் கேடு விளைவிக்கக் கூடியதாகவும் உள்ளது. எனவே அத்தகைய உடல்நலக் கேடுகளை விளைவிக்கும் காரணிகளாக இங்கு நாம் பட்டியலிட்டுள்ள அதிக ஓய்வு, புகைப்பிடித்தல் போன்ற தீய பழக்க வழக்கங்களைத் தவிர்த்தும் நல்ல தேர்ந்த உணவுப் பழக்க முறைகள்- உடற்பயிற்சிகளைப் பேணியும், கொலஸ்ட்ரால் மூலம் உருவாகும் தீங்குகளைத் தவிர்த்துக் கொள்வோம்! கருத்துக்கள் (10)
 
அல்ஹம்துலில்லாஹி ரப்பில் ஆலமீன்
\\!!!!கொல்லுமோ கொலெஸ்ட்ரோல்!!!////
இன்றைய கால கட்டத்தில் மிகமிக அவசியமான ஒரு சிறந்த ஆக்கம் இது/ இன்றைய இளைஞர்கள் உணவு வகையில் கவனக்குறைவால் அதிக அளவில் உயிர் இழக்க நிரைய வாய்ப்புகள் இருக்கு/இன்னும் 35-40வயதுக்குள் இறந்து இருக்கிறார்கள்/முரையான உணவுகலும் நல்ல உடற்பயிற்சிகளும் எல்லாவற்றிக்கும் மேல் நல்லபழக்கவழக்கங்களூம் தேவை,,,,
இந்த நல்ல ஆக்கத்தை வெளியிட்ட சத்தியமார்க்கத்திற்க்கு வாழ்த்துக்கள் பல ஆயிரம்
ஹனீஃப்-குவைத்
1
June 04, 2008 15:17
மாறிவரும் பணிச்சூழல்கள் முன்பிருந்த காலங்களில் உள்ளதை விட உடலுழைப்பை வெகுவாகக் குறைத்திருக்கிறது. காலில் சக்கரம் கட்டிச் சுழலும் அன்றாட இயந்திர வாழ்வில் உடற்பயிற்சி என்பதே கேள்விக்குறியாகி விட்டது.
இது ஒரு புறம் இருக்க, செயற்கையான உணவுக் கலவைகள், அவசர உணவகங்கள் (ஃபாஸ்ட் ஃபுட்), டின்னில் அடைக்கப்பட்ட உணவுகள், நீண்ட நாட்கள் கெட்டுப்போகாமல் இருக்க பதப்படுத்தப்பட்ட இறைச்சி, கலோரியாவது மண்ணாவது என்ற அலட்சியமாக விரும்பியதை உண்டுகழிக்கும் மனோபாவம் போன்ற பல விஷயங்கள் நம் அன்றாட வாழ்வில் பெருகிவிட்டன.
இவையனைத்தையும் அழகாகச் சுட்டிக்காட்டி அறிவுறுத்தும் நல்லதொரு ஆக்கத்தினை அளித்துள்ளீர்கள். பிரிண்ட் எடுத்து தமிழ் அறிந்தோர் மத்தியில் வினியோகிக்கத் துவங்கியுள்ளேன். நன்றி!
2
June 05, 2008 05:12
அஸ்ஸலாமு அலைக்கும்.
பல புதிய தகவல்களை கொண்ட அருமையான கட்டுரை. மிக்க நன்றி.
அன்புடன்
அனீஸ் முனவ்வர்
3
June 05, 2008 07:07
அஸ்ஸலாமு அலைக்கும்
அன்பு சகோதரர்களே
அல்ஹம்துலில்லாஹ் வ ஜஸாக்கல்லஹு கைர்
இயந்திரமாக இயங்கும் மனிதவர்க்கம் அல்லது இணையம் இணையம் என்று இயங்காமல் இருக்கும் மனிதவர்க்கம் ஆகிய அனைவரும் படித்து பின்பற்றி பலனடைய தக்க மட்டும் சகோ அபு ஸாலிஹா அவர்கள் குறிப்பிட்டது போல் பிறருக்கும் அறிமுகப்படுத்த வல்ல நல்ல பயனுள்ள
ஆக்கம் என்பதில் சந்தேகமில்லை.
இதை அனைவரும் பேணி பலன் பெறுவோமாக.
4
June 05, 2008 08:06
Excellent artical thank you very much also i have one question we can take Omega 3 tablet everyone talking about this tablet and Centrum tablet Silver or gold which is good please advice me.
6
June 12, 2008 07:24
ஆனந்த விகடனில் வெளியான, இந்த ஆக்கத்துடன் தொடர்புடைய ஒரு கட்டுரை...
லப்டப் லப்டப் சொல்லும் சம்திங்..!
'மனிதர்களைக் கொல்லும் நோய்களில் இதய நோய் 2030ம் ஆண்டில் முதலிடத்தில் இருக்கும்' என்று உலக சுகாதார அமைப்பு, சமீபத்தில் அறிக்கை ஒன்று வெளியிட்டிருக் கிறது. இந்த அறிக்கை குறித்துப் பிரபல இதயநோய் மருத்து வர் என்.சிவகடாட்சத்திடம் கேட்டோம்.
''ஒரு நாடு வளர்ச்சி அடையும்போதும் மக்கள் தொகைப் பெருக்கத்தின்போதும் இப்படிப்பட்ட புள்ளிவிவரங்களும் பயமுறுத்தல்களும் அதிகமாக வரத்தான் செய்யும். 2020ம் ஆண்டு இதய ரத்தக்குழாய்கள் பாதிப்பு நோய் இந்தியாவில் அதிகமாகப் பரவும் ஆபத்து இருக்கிறது என உலக சுகாதார அமைப்பு ஏற்கெனவே எச்சரித்திருக்கிறது. வெளிநாடுகளில் வாழும் இந்தியர்களுக்கும் இந்த நோய்களின் தாக்கம் இருக் கும் என்கிறது இன்னொரு ஆய்வின் முடிவு. இந்தியர்களுக்கு பரம்பரையாகவே இந்த நோய்த் தாக்குதல் உள்ளது என்பதைக் காரணமாகச் சொல்கிறார்கள்.
ரத்தத்தில் உள்ள கொலஸ்ட்ராலில் HDL, LDL என இரு வகை உண்டு. இதில், HDL கொலஸ்ட்ரால் எந்தத் தீங்கையும் விளைவிப்பது இல்லை. தவிர, LDL கொலஸ்ட்ராலின் அளவை இது குறைப்பதால், இந்த HDL கொலஸ்ட்ராலை நல்ல கொலஸ்ட்ரால் என்று புகழ்கிறார்கள். இந்த நல்ல வகை கொலஸ்ட்ரால் இந்தியர்களின் ரத்தத்தில் பொதுவாகவேகுறை வாக இருக்கிறது. இது அதிகரிக்க வேண்டுமானால் முறையான உடற்பயிற்சிகள் செய்ய வேண்டியது அவசியம். ஆனால், இந்தியர்களில் பெரும்பாலானவர்கள் உடற்பயிற்சியில் ஆர்வம் காட்டுவதில்லை. இதனால் LDL என்கிற கெட்ட வகை கொலஸ்ட்ரால் ரத்தத்தில்அதிக ரித்து ஹார்ட் அட்டாக்குக்கு வழி செய்கிறது என்கிறார்கள். அத்துடன் ஹோமோசிஸ்டின் (Homocystin), எல்.பி. லிட்டில் 'ஏ' (Lp 'a') என்கிற புரதங்களும் அதிக அளவில் இந்தி யர்களுக்கு இருக்கிறது. இதனாலும் இதய நோய்கள் வருவதற்கான வாய்ப்பு அதிகம் என்கிறார்கள்.
இந்த ஆய்வுகள் ஒரு பக்கம் இருக்கட்டும். நாம் வாழும் முறை உண்மையிலேயே சரியானதாக, ஆரோக்கியமானதாக இருக்கிறதா?
இதயம் சம்பந்தப்பட்ட நோய்களுக்கு ரத்த அழுத்தமும் நீரிழிவு நோயும் முக்கியக் காரணங்களாக இருக்கின்றன. நீரிழிவு நோய் பரம்பரையாகத் தொடரக்கூடியது என்றாலும், பலர் இந்த வகை நோய்களைக் கட்டுப்பாட்டுக்குள் வைத்துக் கொள்ளாமல் கடைசி வரை அலட்சியமாகவே இருக்கிறார்கள். 2004ம் ஆண்டில் இறப்புக்குக் காரணமான நோய்களின் எண்ணிக்கையில், நீரிழிவு நோய் 12வது இடத்தில் இருந்தது. சில வருடங்களில் நீரிழிவு நோய் இந்தப் பட்டியலில் இன்னும் சில படிகள் முன்னேறும் என்பதில் சந்தேகம் இல்லை.
இன்று நாட்டில் புகையிலையைப் பயன்படுத்தாதவர்களின் எண்ணிக்கை மிகக் குறைவு.பலர், 'சிகரெட் குடித்தால்தானே நாற் றம் அடிக்கிறது! போதைப் பாக்கு போடுவோம். வாசனையாகஇருக் கும்' என்று புகையிலையின் மாறு பட்ட அவலங்களைத் தேடிக் கண்டுபிடித்து, நோயின் அடித் தளங்களைத் தாங்களே அமைத் துக்கொள்கிறார்கள். முன்பு வட மாநிலங்களில் இந்த போதைப் பாக்குகளின் சிவப்பு நிற எச்சங்கள் தெருவெல்லாம் வியாபித்து இருக்கும். இப்போது அந்த அடையாளங்களைத் தமிழ்நாட்டிலும் காண முடிகிறது.
அடுத்தது, உடல் பருமன் (besity). ஆண்களின் இடுப்பளவு 38 'இன்ச்'சுக்குக் குறைவாகவும், பெண்களின் இடுப்பளவு 30அல் லது 32 'இன்ச்'சுக்குக் குறைவாக வும் இருக்க வேண்டும். நாம்பயன் படுத்தும் துணிகளின்அளவு இந்த அளவுக்குள் இருந்தால்தான் ஆரோக்கியம். ஆனால், இன்றைக்கு எக்ஸ்ட்ரா லார்ஜ், டபுள் எக்ஸ், ட்ரி பிள் எக்ஸ் என கணக்கில் லாமல் போய்க்கொண்டு இருக்கிறோம்.
நம்மில் பெரும்பாலான வர்கள் திருமணம் ஆகும் வரை ஒல்லியாக இருப்பார்கள். திருமணம் முடிந்ததும் குண்டாகி விடுவார்கள். இதற்கு 'மனைவி வந்த பூரிப்பு', 'வீட்டுச் சாப்பாடு' என்பதெல்லாம் கப்சா காரணங் கள். உண்மையில் மனைவியோடு டூவீலரோ, காரோ வந்துவிடும். சோம்பேறித்தனம் அதிக மாகிவிடும். வயிறு கெட்டுவிடும் என்று ஓட்டலில் பார்த்துப் பார்த்துச் சாப்பிட்டவர், இப் போது 'வீட்டுச் சாப்பாடு' என்று அதிக அளவு உண்பார். இதுதான் உடல் பருமனுக்கான முக்கிய காரணம்.
கால், கைகள், மார்பு எல்லாம் சின்னதாக இருக்கும். வயிறும் பின்பக்கமும் வீங்கிப் புடைத்தி ருக்கும். இதற்கு 'சென்ட் டர் ஒபிசிட்டி' என்று பெயர். நம் ஊரில் இப் படிப்பட்டவர்கள் எக் கச்சக்கமாக இருக்கிறார் கள். சமையல் எண் ணெயை ஒரு முறைக்கு மேல் பயன்படுத்துவது, அளவில்லாமல் கண்ட படி சாப்பிடுவது, ஸ்டைலுக்காக சிகரெட், நண்பர்களோடு பார்ட்டி என்கிற பெயரில் பீர் என்கிற பழக்கத்தையெல்லாம் விட்டுவிட வேண்டும்.
உலக சுகாதார அமைப்பு குறிப்பிடும் விஷயத்தைப்பார்த்து யாரும் பீதி அடையத் தேவை யில்லை. அதேசமயம், டீன்ஏஜில் இருந்தே நம் லைஃப் ஸ்டைலை முறைப்படுத்திக்கொள்ளத் தொடங்கிவிட வேண்டும். ஆண்டுக்கு ஒரு முறை இதய நோய்களுக்குக் காரணமான ரத்தக் கொதிப்பு, நீரிழிவு நோய் பரிசோதனைகளைச் செய்து விடுங்கள். ஆறு மணி நேரத்தூக் கமும் ஒரு மணி நேர உடற்பயிற்சி யும் உடல் எடையைக் கட்டுப் பாட்டுக்குள் வைத்திருக்கும். 'இதற்கெல்லாம் எங்கே சார் நேரம் இருக்கு?' என்று கேட்க லாம். நீங்கள் அலுவலகம் செல்பவர்களா? பஸ், வேன், ஆட்டோவில் செல்பவர்கள் இறங்க வேண் டிய இடத்துக்கு 2 கிலோ மீட்ட ருக்கு முன்பாகவே இறங்கிஅலுவ லகத்துக்கு நடந்தே செல்லுங்கள். டூவீலர் வைத்திருப்பவர்கள் நடந்து போகிற தொலைவில் உள்ள இடங்களுக்கு நடந்தே போக வேண்டும்.
அலுவலகம் இரண்டாவது மாடியிலோ மூன்றாவது மாடியிலோ இருக்கிறதா? நல்லது. படிகளில் ஏறி, இறங்குங்கள். அதுவும் செய்ய முடியாவிட்டால் தினமும் 20 நிமிட நீச்சல் அல்லது 30 நிமிட சைக்கிளிங் அல்லது 40 நிமிட வாக்கிங்... இதில் ஏதாவது ஒன்றை வாரத்தில் ஐந்து நாட்கள் செய்யப் பழகினாலே போதும்!
ரிமோட் உங்களின் எதிரி. எழுந்து போய் சேனலை மாற்றப் பழகுங்கள். ரிமோட் பேட்டரி யைக் கழற்றிவிட்டால் உங்கள் குடும்பத்துக்கே நல்லது செய்த வர் ஆவீர்கள்!
இதய நோய்கள் 'காஸ்ட்லி நோய்கள்'. இவற்றுக்கு அளிக்கப் படுகிற சிகிச்சைகள் 'காஸ்ட்லி வைத்தியம்'. ஆனால், இவற்றை அருகிலேயே சேர்க்காமல் தடுக் கிற இலவச மருந்துகள்தான் மேலே சொன்ன பழக்க வழக்கங் கள். இதைப் புரிந்துகொண்டாலே போதும், புள்ளிவிவரங்கள் எல்லாம் பொடிப் பொடியாகிப் போகும்!'' என்கிறார் டாக்டர் சிவகடாட்சம்.
நன்றி: ஆனந்த விகடன்
7
July 10, 2008 01:57
கருத்து எழுதுக :
|
இந்த ஆக்கத்தின் கருத்துக்களுக்கான RSS Feed
