சத்தியமார்க்கம்.காம்

வறுமையின் நிறம் சிகப்பு என்றால் - அதில்
வாடிடும் இளமையின் நிறம் கருப்பு என்பேன்!
வாழ்க்கையின் இன்பத்தில் உதித்து விடும் - வாளிப்பான
இளமையில் வறுமை கொடிது என்பேன்!

மக்களை ஈன்ற மகிழ்ச்சியிலே - தாயோ - தன்
மடிதனில் சேய் கிடத்திக் கொஞ்சி பசி மறப்பாள் - ஆனால்
பசி தாங்கா சேயோ, பாலுண்ண சேலையை பிடித்திழுக்கும்!
பாழும் வறுமை உலுக்கியதால் பாலுக்கு தாய் எங்கே போவாள்?
வறண்ட காம்பின் சுவையறியா சேயின் வயிறு வற்றிக் காயும்! - இப்படி
ஆண்டுகள் சில கடக்கும்; ஆண் பிள்ளை எழுந்து நடக்கும்!

வறுமையின் போராட்டம் முழு வடிவமுற்று தலை தூக்கும் - பிள்ளை
சோறுண்ணும் வயதில் வீட்டில் சோறும் இல்லை - பெற்றோர்
சோர்விலா உழைப்பை செய்தும் சோறு செய்ய வருமானம் இல்லை
சொந்தத்தில் ஒன்றுமில்லை; சொகுசான வாழ்வுமில்லை,
சுற்றம் யாரும் உதவவில்லை; சுகம் என்பதை கண்டதேயில்லை!

"அம்மா பசிக்குது" என்று அருமை பிள்ளை சொல்லக் கேட்கும்
அன்புநிறை பெற்றோரோ ஏதும் அறியாது கலங்கி நிற்பர்!
அடுத்த வீட்டு செல்வந்தன் பிள்ளை வெள்ளித் தட்டில் அமுதுண்ணும் - அதை
ஆவலாக பார்த்திருக்கும் இந்த வறுமையின் செல்லப் பிள்ளை!
பார்த்திருந்தே பசி மறக்கும் பரிதாபத்தை சொல்ல வேண்டாம்
மண் பானை நீரிருக்கும் அந்த மடமையிலா வயிற்றினுக்கு!

வளமையின் செண்பகப்பூ வறுமைச் சூட்டில் சருகாகும்,
பள்ளி செல்ல நாளும் வரும்; பசியும் உடன் செல்லும்,
பாடங்கள் கேட்பதெல்லாம் பசி வெல்ல மறந்து போகும்,
பல நேரம் உணவின்றி பட்டினியால் வாடிச் சாயும் - இளமையின்
பசித்துன்பம் உலகில் கொடுமையிலும் கொடுமை என்பேன்!

வாழ்க்கையிலே தேக்காய் (தேக்கு மரம்) நெடிதுயரும் மழலை
வறுமையின் சாக்காட்டில் உழன்றதனால் - இன்று
வலுவிழந்த முருங்கையாய் (முருங்கை மரம்) தானுயரா நிற்கிறதே!

ஆற்றல் கொண்ட அரசோரே, அன்பு காட்டி ஆள்வோரே!
வருங்கால உலகத்தை உருவாக்கும் பெரியோரே!
ஆலையின் கரும்பாக ஆட்டி வைக்கும் வறுமையினை
அகற்றுதற்கோர் திட்டம் செய்வீர்; அஃதிலும்
இளமையில் வறுமையினை எப்படியும் விரட்டிடுவீர்!!

இளமையில் வறுமையினை எப்படியும் விரட்டிடுவீர்!!
 
ஆக்கம்: இப்னு மொஹிதீன்

 TrackBack URI for this entry

கருத்துக்கள் (3)

இந்த ஆக்கத்தின் கருத்துக்களுக்கான RSS Feed

மு முஹம்மத்:

அஸ்ஸலாமு அலைக்கும் வறுமையின் வாட்டுதலை வர்ணிக்கும் அருமையான யதார்த்தமான தாக்கம் உள்ள வரிகள் உள்ளத்தினை உருக்கி பிழிகின்றது. //பள்ளி செல்ல நாளும் வரும்; பசியும் உடன் செல்லும், பாடங்கள் கேட்பதெல்லாம் பசி வெல்ல மறந்து போகும்// //வருங்கால உலகத்தை உருவாக்கும் பெரியோரே! ஆலையின் கரும்பாக ஆட்டி வைக்கும் வறுமையினை அகற்றுதற்கோர் திட்டம் செய்வீர்; அஃதிலும் இளமையில் வறுமையினை எப்படியும் விரட்டிடுவீர்// அல்லாஹ் வறுமையில் உள்ளோர்க்கு உதவும் உள்ளமாக(வசதி) உள்ளோர் உள்ளத்தை ஆக்கியருள்வானாக. ஆமீன் மு முஹம்மத்

1

June 18, 2007 21:36

abideen-jubil:

assalamu alaikkum ilamail varumai endra thalaipil mega arumayaga oru elaen kudumbathin kumuralai anaithu thara makkalin matthiel konduvandha satiyamarkam matrum endha kavithaiyai uruvakiyavarhalukkum allahuthala erulagilum vetriyai tharuvanaga by -abideen

2

February 14, 2008 11:34

சத்தியமார்க்கம்.காம்:

அன்புச் சகோதரர் ஆபிதீன், சத்தியமார்க்கம்.காம் தளத்தின் முகப்பில் இடப்பக்கத்தின் இறுதியில் தென்படும் 'Tamil Typing' என்ற உதவிப் பலகையில் சொடுக்கி, தமிழில் தட்டச்சப் பழகிக் கொள்ளுங்கள். நன்றி!

3

February 14, 2008 12:18

பெயர்

மின்னஞ்சல் முகவரி தட்டச்சு மொழி மாற்ற crtl+g அழுத்துங்கள்.

கருத்து

சிறிதாக்குக | பெரிதாக்குக

புதிய கருத்துக்களை என் மின்னஞ்சலுக்கு அனுப்பவும். (தங்களின் செயல்படும் முகவரியைத் தரவும்.)

பயன்பாட்டு நிபந்தனைகளை நான் படித்து ஏற்றுக் கொண்டேன்.

அனுப்புக Preview காண்பி